कस्ता गीत सुन्न रुचाउँनुहुन्छ ?
म सबै थरिका गीत सुन्छु लोक दोहरी ,पॉप, आधुनिक,हिन्दी तर देउडा गीत मेरो खास
म खास
हो !
तपाईंले सबैभन्दा धेरै सुनेको गीत कुन होला त ?
गायक भुवन दहाल सर र हरिना साउँद को धन्य पिरती मुखी पासो भ्यो ! यो गीत मलाई अति मन पर्छ र म यो गीत बाट धेरै प्रभातित भएको थिए !
पहिलो यल्बम कुन हो ?
“म छु रोल्पा रुकुम” २०६६ साल तिर गाएको थिए म्यूजिक भुवन प्रकाश बिरही सर को थियो ।
अत्याधिक मन पर्ने गीत ?
मेरै मा भन्नु पर्दा बॉस कोएली बॉस जो अति चर्चित पनि भएको थियो ।
कस्तो बेला/कुन समयमा गीत सुन्न मन पराउनु हुन्छ ?
खाली समय र सुत्ने बेलामा हो तर म गीत जून बेला पनि सुनी राख्छु ।
दुःखमा गीत सुन्न मजा हुन्छ कि पीडामा ?
दुःख र सुख मा म सधै गीत सुन्छु तर गीत गाउने या सुन्ने बेला आफ्ना दुःख बिर्सनछु !
तपाईंलाई मनपर्ने गायक,गायिका?
देउडा मा भुवन दहाल जी र दोहरी मा राजू परियार र बिष्णु माझी हुन तर आज भोली कम उमेर मा चर्चित गायिका गौरी भट्टको स्वर अति नै मन पर्छ ।
पहिलोपटक स्टेमा कहिले गाउनुभयो ?
सर खास आफु इण्डिया तीर भएको हुनाले अबसर पाएन तर स्कूल मा धेरै चोटी गाएको छु । र परिमाण पत्र पुरुष्कार पनि पाएको छु ।
अहिले सम्म कति वटा यल्बम निकाल्नु भा छ ?
मेरो आफ्नै आठ र दुइ अर्का का मिलाएर 10 गीतहरु गाईसकेको छु ।
आफ्नै स्वर तपाईँलाई कस्तो लाग्छ ?
मलाई मेरो स्वर पटकै मन पर्दैन तर श्रोता हरुको माया ले स्पोर्ट पाएको छु र खुसी हुन्छु । अनि यो नया गितबाट आफै प्रभावित भएको छु की म अब पहिले को भन्दा राम्रो गाउन सक्छु ।
आफ्नै गीत सुनेर रुनुभएको छ ?
आफ्नो प्रसन्सा आफैले गर्नु हुदैन भन्छन् तर यो जनम्या ठाउँ बिरानी भैगई मा गौरी को स्वर ले म जब आफ्नो जन्म भूमि छोड़ेर प्रदेश जादा को सोच्छु त ठुलो स्वर ले रुन्छु । कति रुन्छु कति । म त आफ्नै गीत सुनेर धेरैचोटी धुरुधुरु रोएको छु पहाड जाने क्रममा बस मा मेरो गीत बजी रहेको बेला रोएको थिए ।
तपाईंको जीवनसँग मिल्दो गीत ?
भुवन सर को धन्य पिरती मुखी पासो भ्यो
के-के बजाउन आउँछ ?
मादल र तवला बजाउँछु । हार्मोनियम पनि अलिअलि आउँछ ।
तपाईंको संगीत गुरु को हो ?
सर मैले संगीत सिखेको छैन तर राम्रा राम्रा स्वर सूर भएका गायक हरु का गीत हरु गाएर यति सम्म सिखेको छु ।
आफूलाई चित्त बुझेको तर, नचलेको गीत ?
हुन त मेरा गीत धेरै छैनन तर कुनै लाई केही मन पर्छ कुनै लाइ केही भाई बहिनी को बिलौना मेरो र हरिना साउँद को स्वर मा थियो ।यसको ख़ास चर्चा भएन ।
मोबाइलमा कतिवटा गीतको संग्रह छ ?
म धेरै गीत सुन्छु जस्तै देउडा , लोक दोहरी आधुनिक पॉप र ठाडी भाका गीत
हरु छन्
प्रायः केमा सुन्नुहुन्छ ?
घरमा साउंड बॉक्स छ बाहिर मोबाइल हरु मा !
लामो यात्रामा जाँदा पनि पक्कै संगीत सुन्नुहुन्छ होला ?
ख़ास भन्ने हो भने म बिना संगीत यात्रा नै गर्दैन या गाडी मा म्यूजिक हुनु पर्यो या म सँग ।
अन्त मा के भन्नु चाहन्नु हुन्छ ?
अन्तमा के भन्न चाहन्छु भने आउदै गरेको बिजया दशमी २०७२ को अबसर मा सम्पूर्ण मिडिया कर्मी र श्रोता हरु लाई हार्दिक मंगलमय शुभकामना भन्न चाहन्छु र मेरो अन्तरवार्ता पढ्नु हुने सम्पूर्ण साथी हरु लाई हजुर लाई पनि शुभकामना चाहन्छु !
Comments
Post a Comment