सुदूरपश्चिमा कोरोना संक्रमित को संख्या ३ सय ४७ पुग्यो

गोविन्द यस् सुदुरपश्चिम टुडे। सुदूरपश्चिम प्रदेशमा कोरोना संक्रमितको संख्या तीन सय ४७ पुगेको छ । आज थप १७ जनामा कोरोना पुष्टि भएसंगै संक्रमितको संख्या ३ सय ४७ पुगेको सेती प्रादेशिक अस्पतालका सूचना अधिकारी दिलिप कुमार श्रेष्ठले बताउनुभयो । धनगढीस्थित कोरोना परीक्षण प्रयोगशालामा गरिएको परिक्षणमा आज तीन जना महिला र १४ जना पुरुषमा संक्रमण पुष्टि भएको हो ।

कैलालीका १० र कञ्चनपुरका ७ जनामा कोरोना पुष्टि भएको हो। कैलालीको धनगढी उप–महानगरपालिकाका ८ जना, लम्की चुहाका दुई जनामा कोरोना पुष्टि भएको हो।

यो सँगै सुदूरपश्चिममा संक्रमितको संख्या तीन सय ४७ पुगेको छ । यसहिजो ६८ जनामा कोरोना पुष्टि भएको बताईएपनि दुई जना अछामका संक्रमितको भने दोस्रो पटक परीक्षण गरीएकाले ६६ जना मात्रै नयाँ संक्रमित थिए ।

अहिलेसम्म सबैभन्दा बढि कैलालीका एक सय तीन जना, कञ्चनपुरमा ७३, डडेल्धुरामा ३९, डोटीका ३७, बैतडीमा २७, अछामका २०, बाजुराका २१, बझाङमा १४ र दार्चुलामा १२ जनामा कोरोना पुष्टि भएको छ ।

पुष्टि भएका दुई जनाको मृत्यु भईसकेको छ भने ५२ जना डिस्चार्ज भएका छन् ।